My BLOG@163.com has been updated!

【朋友】

　　琴日番到嚟，打咗俾兩個fd。一個冇人聽，一個話晏啲我同呀媽食完飯搵佢，點知食到好夜，所以冇見到佢。於是就話今日打俾佢先再算。

　　其實我今次番嚟係想買本漫畫，但係大埔冇得賣，最近要去到沙田先有，所以想搵人陪我去買。

　　今日hea咗一個下晝，再打俾嗰個話今日先算個fd。我話想佢陪我出沙田，佢就話行咗一日，好攰（腳痺），咁我就話晏啲先搵佢。

　　之後搵嗰個琴晚搵唔到嗰個fd，約咗七點半，又係叫佢陪我出去買書。點知我差唔多七點半發覺唔夠時間出門口就打俾佢推遲半個鐘到八點。八點去到唔見人，就打俾佢。冇人聽。之後每十分鐘打一次電話俾佢，打咗幾次都冇人聽。過咗七個字，都冇人聽就send　message俾佢話呢個時間出到去都閂咗門，我下次先自己買，我番屋企先。

　　差唔多行到番屋企嗰頭又打俾今日行到腳痺個fd，冇人聽。

　　諗住既然冇嘢做就番屋企。

　　今日咩人都冇見過。

【屋企．呀媽】

　　琴日番到屋企，我呀媽第一樣要同我講嘅係冇＄＄，佢就得番兩舊水。天呀，點解鑊鑊番到嚟都要俾啲咁嘅嘢煩住咖！？

　　呀媽叫我問下中心暑假教日文嗰度點，又問我係唔係已經考完試番嚟放假。我心諗我都想快啲考完試放假。佢講到好似我未考完試係我嘅責任咁囉！唉～～～～！搞到好似我要番番去溫書考試唔番嚟做part　time係有罪咁……大佬呀，你要番工做嘢要搵＄＄好多嘢顧，我喺嗰邊讀書，學校都好多嘢要顧咖……你咁樣搞到我好大壓力囉！！

【香港】

　　講真，我真唔係好想番嚟囉。我甚至乎諗過暑假唔番嚟。番到嚟太多嘢煩，又要我做呢樣做嗰樣，又要見啲ｘｘ親戚，搞到我就嚟痴線喇！啲同學番香港番澳門番屋企係輕輕鬆鬆度假嘅，我呢？番嚟就係煩呢樣煩嗰樣。

　　今次唔係因為幾個月冇見呀媽同啲fd（加上冇＄＄），我都唔番嚟。點知番到嚟又冇fd出嚟，屋企又冇＄＄，仲要咁煩。早知係咁就唔番嚟呀！

　　唉！想快啲攞到＄＄就番去呀。慳啲洗，撐到八月先番嚟呀！